遇见最好的!!!

伯伯未到目的地就畀的士司机放低好彩遇到货车暖男送返屋企

时间:2020-04-23  作者:

凌晨三点几,你喺度做紧咩?瞓到只狗咁,定係仲煲紧剧打紧机呀?成日听人讲呢,老人家唔瞓得,五六点就自然会醒,六七点就落街晨运饮茶打牙骹㗎喇,不过如果係凌晨三点几喺街上见老人家,又会唔会早咗啲呀?

伯伯未到目的地就畀的士司机放低好彩遇到货车暖男送返屋企

22号凌晨大约三点半,货车司机王子康喺荃湾路见到有个伯伯喺公路慢线度行,佢担心夜妈妈其他货车司机睇伯伯唔到会造成发生意外,于是就即刻打死火灯慢驶,跟喺伯伯后面,默默保护佢喇。

伯伯未到目的地就畀的士司机放低好彩遇到货车暖男送返屋企

不过行下行下,王子康就觉得唔对路,所以就落车问伯伯想去边喇。原来伯伯本身係搭的士返梨木树嘅,但到咗德士古道迴旋处,的士司机就话到咗,放低咗伯伯,搞到佢要半夜喺公路上面一个人步行返屋企……

伯伯未到目的地就畀的士司机放低好彩遇到货车暖男送返屋企

睇返Google Map,显示德士古道行到梨木树要最少45分钟,王子康都话估计一般人要行一个钟头先到,咁大家都想像到,如果伯伯真係行返屋企要行几耐啦……

伯伯未到目的地就畀的士司机放低好彩遇到货车暖男送返屋企

最后呢位货车暖男义不容辞,车咗伯伯返屋企,仲将事件post上网,提醒咁多位揸夜车嘅司机要小心啲,睇清楚路面情况呀!毛毛最欣赏王子康最后个「香港人记得有时伸手帮下人」呢句,如果大家都多啲关心身边嘅人,见到不寻常嘅事,唔好怕多事,问多句需唔需要帮忙,相信大家都会开心啲。

封面图片、资料来源连结:感谢网民王子康/小心驾驶(讨论别人驾驶态度)同意转载

《暖男司机介绍返》

【暖到入心入肺】巴士叔叔放乘客上车避西北风

【係爱呀】司机载到导盲犬 兴奋到开咪隆重介绍

【好人好事】司机停车跪低帮受伤伯伯止血


上一篇: 下一篇: